Commons:Слика на годината/2013/ПоракаIIколо
Започна II коло од конкурсот „Слика на годината 2013“!
Драги викимедијанци,
Ризницата ве известува дека започна второто коло од конкрусот „Слика на годината 2013“. Годинава Ризницата го одржува осмиот конкурс, каде ги чествуваме извонредните придонеси на корисниците што учествуваат на неа. Се повикуваат корисниците на Викимедиините проекти да ги разгледаат минатогодишните (2013) избрани слики на Ризницата и да се определат за една Слика на годината.
Земаат учество стотици слики прогласени за „избрани“ од меѓународната заедница на Ризницата во текот на изминатата година. Тука спаѓаат професионални фотографии од животни и растенија, воодушевувачки панорами, реставрирани стари слики од историско значење, извонредни архитектонски знаменитости, впечатливи портрети и многу друго.
Конкурсот има две кола. Во првото гласавте за онолку слики колку што сакавте. Во финалето одат сеопшто најдобрите 30 и најпопуларната слика во секоја категорија. Во финалното коло ќе можете да гласате за само една слика — онаа што сакате да стане Слика на годината.
II коло завршува на 7 март 2014. https://commons.wikimedia.org/wiki/Special:MyLanguage/Commons:Picture_of_the_Year/2013/Introduction/mk Тука дознајте повеќе и гласајте »]
Ви благодариме,
одборот за „Слика на годината“
Поракава ја добивате бидејќи гласавте на конкурсот за „Слика на годината 2013“.