Commons:Wiki Loves Africa 2023

Wiki Loves Africa 2023

Wiki Loves Africa 2023: Lili Wun & Á̱ghyi Kyai Tswazwa

Wiki Loves Africa yet a̱yangka̱nan kwok nghwughwu, nghwughwu-a̱guguut ma̱ng nwunwuat wa.
A̱pyia̱ a̱lyiat 2023 ka, kikya yet Lili Wun ma̱ng Á̱ghyi Kyai Tswazwa.

Kpa̱t a̱yaangga ang ba kyiak neet mi̱ 1 Zwat Tsat ba̱ng si̱ tat 30 Zwat Nyaai mi̱ Wukimedia Komon.

Á̱ mbyia̱ za̱náng nang a na nat ndyo a̱mali ka̱nang a byia̱ ghwughwu mi̱ á̱cucuk nghwughwu nang á̱nietfak-a̱lyiat ba na nkhai a̱ni!

CLOSED

Parameter text is empty

Bwom a̱bwom Afi̱rika mi̱ Wukipedia ma̱ng nghwughwu

Di̱ pyipyia̱ a̱lyiat ma̱ a̱di̱di̱t a̱di̱t nang a na maai a nfang tazwa a̱ni mi̱ Wukipedia, si̱ ku byia̱ a̱meang ma̱ng Afi̱rika hwa lat di̱ nkhang tazwa nhu a̱ swak. Ját ma̱ a̱di̱di̱t ja tyia̱ ku si̱ li a̱nia, a̱wot ját jhyang byia̱ a̱meang ma̱ng a̱tsak a̱lyiat wu nyia̱ á̱ghyang á̱niet ma̱ a̱di̱di̱t nwai lyen nyia̱ ba̱ maai ba̱ nsa̱u Wukimedia nghwughwu, nghwughwu-a̱guguut ma̱ng nwunwuat tazwa vam-a̱byin mba hu ma̱ng taada mba ji ma̱sa̱t mi̱ Wukipedia.
Ku na myim ka̱ á̱ na jhyi Afi̱rika a̱yet, á̱ shei konyan gu li zwá, vwuon ma̱ng shisham nggu ji wowot mi̱ Wukipedia.
A maai a beang nzi̱t zi̱ nyia̱ si̱ huni. Ku vwan a̱khwu bah ku ma̱ a̱da̱dei a̱wot konyan wa maai a̱ nwuo mami!

Yihwa hwa A na jhyet? Nghwughwu! Nwunwuat! Nghwughwu-a̱guguut!

A̱pyia̱ a̱lyiat ka Lili Wun ma̱ng Á̱ghyi Kyai Tswazwa ngyei á̱niet ba̱ neap a̱yaangga ba̱ byia̱ a̱meang ma̱ng lili wun hu ma̱ng á̱ghyi kyai tswazwa ba nang á̱ maai á̱ nwuan wowot a̱ni.
>>Mbeang fang hu a̱ji da̱ a̱pyia̱ a̱lyiat ka mat fwuo ang hu ku shwai.
Da̱ yan nwuan a̱tatak a li nghwughwu nghyang na̱ na nshwai ang fwuo hu:

Wukipedia ni̱ nyia̱ ta̱m ma̱ng nkwaa̱mbwat-a̱ka̱wat Creative Commons nia. Yihwa si̱ huni si̱ fa?

Wukimedia ni̱ nyia̱ ta̱m ma̱ng nkwaa̱mbwat-a̱ka̱wat Creative Commons nia. Myiam nkyang jhyang tazwa nkwaa̱mbwat-a̱ka̱wat nani mi̱ ghwughwu-a̱guguut huni.

{{{2}}}

Á̱ ka̱n TSA a̱yangka̱nan 2023 wu!

A̱hyohyoot nvak nwuai 5!

Kwok nghwughwu na̱ byia̱ a̱ka̱ta ma̱ng a̱pyia̱ a̱lyiat ka Lili Wun & Á̱ghyi Kyai Tswazwa
Khwuk a̱la̱n ma̱sa̱t ku a nwuo mi̱ Wukimedia Komon.
Lyip di̱ wat Si̱sak Nang Á̱ Na Nnwuo nzi̱t wu a li tyiet ku na nkwak ang a̱son di̱ kuzang kyang ku byia̱ a̱meang ma̱ng a̱yangka̱nan wu.
Nwuak a̱cucuk nyia̱ a khwi nka̱nda̱n a̱yangka̱nan na (kalak ghwughwu ang hu ku lyin byiek ji)!
Kpa̱t nghwughwu ang na – kyiak neet mi̱ 1 Zwat Tsat 2023 ba̱ng si̱ nat!

A̱tsatsak
Ta hwa nghwughwu ang na ku nyinyiit shei nkhang ang hu ku tyai a̱pyia̱ a̱lyiat ka ma̱nang ku byia̱ a̱ka̱ta ma̱ng "Afi̱rika" a̱ni.
Mat a̱yaangga ang ba ba̱ swuocet, ta hwa a neap mba tafa kwaa̱mbwat-a̱ka̱wat ma̱sa̱t hu (fang tazwa nkwaa̱mbwat-a̱ka̱wat na a̱ji).
Cat kemera ang hu, kwok nghwughwu Afi̱rika ang na!

Mbeang fang hu di̱ si̱sak nang a na nwuo a̱ni

Zang za̱nang ja ka̱ doot n gya?

Á̱ mbyia̱ za̱náng ma̱ a̱di̱di̱t nang a maai nkat a̱mali ma̱ng a̱nji a̱ni ka̱nang a kpa̱t a̱yaangga ba̱ yet a̱ni: ku si̱ a̱byin ku si̱ bibyin swanta. Ki̱ za̱náng a̱byin ja, nwuan a li kyang nang á̱nietnjhyi mali ba ku jhyi a̱ni ma̱ a̱byin ang ka.

Ka̱nang si̱ bibyin swanta ja, á̱ mbyia̱ si̱sa za̱nang ma̱ a̱di̱di̱t mat Wiki Loves Africa + za̱náng 2 jhyang mat a̱pyia̱ a̱lyiat 2023 ka!

Wiki Loves Africa 2023 : Si̱sa Za̱náng Bibyin Swanta

Kwok nghwughwu:

Za̱nang 1 : USD 2,000
Za̱nang 2 : USD 1,500
Za̱nang 3 : USD 1,000

Nyinyiit shei nkhang (Ghwughwu-a̱guguut, A̱nwuat, Nghwughwu, Lyuut-lyulyuut Ghwughwu):

Za̱nang a̱nwuat ku ghwughwu-a̱guguut ji̱ yet a̱ swak a̱ni : USD 1,000
Best Video prize : USD 1,000
Bibeam Afi̱rika Za̱nang Ghwughwu-a̱guguut: Ghwughwu-a̱guguut ku yet a̱ swak ku byia̱ a̱meang ma̱ng impak shyak lili wun hu a̱ni : USD 2,000
Bibeam Afi̱rika Za̱nang Kpa̱m Nang Á̱ Khap Á̱ Sak a̱ni: Mkpa̱m nghwughwu na̱ yet a̱ swak tazwa impak shyak lili wun hu a̱ni : USD 1,200

Fwuo lyen: Á̱ bye jhyet kurum za̱nang hu nang kati za̱nang hwa ku di̱ tswang voca

Mat nkhang di̱ si̱sak nang a na neap Kpa̱m Nang Á̱ Khap Á̱ Sak a̱ni ku Lyuut-lyulyuut Ghwughwu, nyap a̱ji

Khai Á̱niet-yaa̱ywan hu

Á̱ na khai á̱niet-yaa̱yawan ba bah si̱ mi̱ Zwat A̱taa-Zwat A̱natat 2023 a̱wot á̱ ba̱ shei nkhang na mi̱ Zwat A̱natat ku mi̱ Zwat A̱ni̱nai 2023. Da̱ a̱kwonu a̱kya,