Cymraeg: Mae ein camerâu monitro wedi cipio lluniau o haig o Dorgochiaid yr Arctig prin yn agosáu at eu tiroedd silio yn Afon y Bala yn Llyn Padarn, Llanberis yn ystod oriau golau dydd, am y tro cyntaf, gan adael i ni gael lluniau gwych o ‘r pysgod prin hyn.

Rydym wedi bod yn defnyddio camerâu i fonitro eu niferoedd a’u hactifedd ers 2011 ond gan fod y Torgoch fel arfer yn mudo i’w tiroedd silio yn yr oriau o dywyllwch, mae wedi bod yn anodd dal delweddau fel y rhain.

Mae niferoedd y Torgoch wedi bod yn gostwng ond mae rhaglen i wella ansawdd y dŵr yn y llyn ac i fridio silod mân ifanc mewn caethiwed wedi cael ei sefydlu i’w helpu. Dyma fideo a gymerwyd ym mis Rhagfyr 2014 o sut rydym wedi gwneud hyn. https://www.youtube.com/watch?v=mN-cBK3H42g

Mae hefyd yn galonogol bod yr haig hon yn cynnwys cymysgedd o Dorgoch sydd wedi cael eu hesgyll wedi ‘u tocio - sy’n golygu ein bod wedi eu rhyddhau i mewn i’r llyn - a’r rhai gyda’u hesgyll heb eu tocio - sy’n golygu eu bod wedi cael eu geni yn naturiol yn y llyn.

Bellach mae Llyn Padarn wedi cael ei dynodi fel unig lyn ymdrochi dŵr ffres yng Nghymru, ac mae canlyniadau samplau a gymerwyd gan Cyfoeth Naturiol Cymru eleni wedi cyrraedd safon uchaf o “ardderchog”. Rydym hefyd wedi sefydlu poblogaeth wrth gefn mewn llyn arall gerllaw.

Mae’n rhy gynnar i ddod i unrhyw gasgliadau eto am ddyfodol y boblogaeth Torgoch yn Llyn Padarn, ond mae’n rheswm dros fod yn obeithiol, fod dal gan Dorgoch yr Arctig dyfodol yn y llyn.