Open main menu
Wikiguida di Wikimedia Commons

Sta WikiGuida ti pò aiutari a chiùmpiri li primi passi ntô munnu di Commons
(prubblemi di visualizzazzioni?)

Zocch'è Wikimedia Commons?Edit

Sta WikiGuida ti pò aiutari a chiùmpiri li primi passi ntô munnu di Commons

Wikimedia Commons (o chiù simplicimenti "Commons") è na repository di file multimidiali ca cunzenti a cuegghiè d'accèdiri a cuntinuti educativi ntô duminiu pùbblicu e cu licenza lìbbira (mmàggini, soni, vidiuclip), ntâ propia lingua. È n'archiviu cumuni pê vari pruggetti dâ Wikimedia Foundation, ma nun è nicissariu appartèniri a unu di sti pruggetti p'usari li file multimidiali ospitati ccà. La repository è criata e gistuta di vuluntari, nun di artisti paiati. Lu scopu di Commons è difinutu ntê pàggini dê scopi dô pruggettu.

Wikimedia Commons usa la stissa wiki-ticnoluggìa di Wikipedia e cuegghiè pò canciari li pàggini. A diffirenza dê file multimidiali carricati nta àutri pruggetti, li file carricati nta Wikimedia Commons ponnu èssiri usati direttamenti ntê pàggini di tutti li pruggetti Wikimedia, senza la nicissità di carricàrili siparatamenti.

Lanciatu lu 7 di sittèmmiru 2004, Wikimedia Commons juncìu 1.000.000 di file carricati lu 30 di nuvèmmmiru 2006 e attualmenti cunteni 56,085,438 file e 55,414,803 gallarìi multimidiali. Chiossai nfurmazzioni riguardu lu pruggettu Wikimedia Commons s'attròvanu nta l'avvirtenzi ginirali, ntâ pàggina di Wikipedia nta Wikimedia Commons e ntâ pàggina didicata nta Meta-wiki.

A diffirenza dê repository di file multimidiali tradizziunali, Wikimedia Commons è lìbbiru. A cuegghiè è pirmittutu cupiari, usari e canciari libbiramenti qualegghiè file multimidiali a pattu ca veni nnicata la fonti e ca l'òpiri vennu attribbuiti a l'autura rispittivi; nortri, l'utenti hannu a pubblicari li sò copii/migghiuramenti cô stissu gradu di libbirtà di l'àutri. Lu stissu Wikimedia Commons e li testi cuntinuti sunnu pubblicati cu licenza Creative Commons Attribbuzzioni-Cundividi ô stissu modu. La licenza d'usu d'ogni file multimidiali sìngulu pò èssiri visiunata ntâ propia pàggina di discrizzioni. Chiossai nfurmazzioni supra lu riutilizzu dê file ponnu èssiri attruvati n Commons:Riusu dô cuntinutu fora di Wikimedia e Commons:Li primi passi/Riutilizzazzioni.

Participari

Poi migghiurari Wikimedia Commons cuntribbuennu cu zocchi sai fari megghiu:

Cuntribbuisci chê tò òpiriEdit

Si sî un fotògrafu bonu nun esitari a cuntribbuiri chê tò megghiu mmàggini. Si sî un disignaturi bonu, cuntrolla quali diagrammi e animazzioni sunnu addumannati. Si sî un musicista o artista di tiatru o cinimatugrafìa bonu, nun esitari a pubblicari cu licenza lìbbira li riggistrazzioni dê tò performance.

Cuntribbuisci chê tò abbilitàEdit

Nta ogni casu, nun è nicissariu sulu carricari file. Ci sunnu cosi altrettantu mpurtanti di fari:

Cuntribbuisci cô tò tempuEdit

Nun hai bisognu d'èssiri n'artista o nu scritturi di testi d'aiutu bravu. Si ti senti purtatu a criari òrdini dô càusu, avemu bisognu di tìa!

Riggistrazzioni

Pi putiri carricari file nta Wikimedia Commons è nicissariu effittuari lu login. Ti poi riggistrari cliccannu ntô culligamentu "Log in / create account" prisenti nta l'agnuni n àutu a manu dritta e nzirennu un nomu utenti c'havi a èssiri usatu pi tutti li tò carricamenti di file e canciamenti di pàggini. Comuegghiè, si voi sulu canciari li pàggini nun hai bisognu di rigistràriti (puru si ti ncuraggiamu a fàrilu). Si hai lu login unificatu, sî già riggistratu macari nta Commons.

Tuturiali pê primi passi

Li pàggini li primi passi e li FAQ t'hannu a aiutari tantu doppu la riggistrazzioni. Spièganu comu pirsunalizzari la nterfaccia (p'esempiu la lingua), comu carricari file e li basi dâ nostra pulìtica supra lu licinziamentu. Nun è nicissariu aviri abbilità tècnichi particulari pi cuntribbuiri ccà. Sî audaci ntô cuntribbuiri ccà e prisumi la bona fidi ntê ntinzioni di l'àutri. Chista è na wiki - e è veramenti sìmplici.

Chiossai nfurmazzioni sunnu dispunìbbili ntô Porta dâ cumunitati. Poi pòniri dê dumannni ô Cìrculu o ntô canali IRC #wikimedia-commons.

Li file nta Wikimedia Commons sunnu organizzati n catigurìi e gallarìi. N'elencu dê catigurìi principali e è dispunìbbili ntâ Pàggina principali.

Sirvizzi agghiuntivi e software

Si voi carricari un gran nùmmiru di mmàggini, lu prugramma Commonist t'havi a èssiri ùtili. Si hai bisognu di nfurmazzioni spicìfichi ntê tool dispunìbbili pi taliari o canciari lu nostru cuntinutu, talìa Commons:Software.

Bonu divirtimentu!