|
Xosh, siz biziń tańlawımızda qatnasıwǵa qarar ettińiz be? Biz bunnan quwanıshlımız! Bunı qalay islew kerekligi haqqında birneshe ápiwayı adımlar:
- Ózbekstandaǵı qorıqlanatuǵın aymaqlar dizimi menen tanısıń. Ol tórt tilde ámelde: Ózbek, Qaraqalpaq, Rus hám Inglis tili. Sizge eń qolay bolǵan tildi tańlawdı usınıs etemiz: tórt variant ta birdey hám tańlawda birdey tabıs penen qatnasıw imkaniyatın beredi.
- Súwretke alıw ushın dizimnen obiektti saylań: ol úyińizge jaqın bolıwı, xizmet saparında ótetuǵın obiekt yamasa aylanıw ushın eń qızıqlı bolǵan obiekt bolıwı da múmkin.
- Siz tańlaǵan obiektke keliń hám súwretke alıń! Súwretke qansha kóp túsirseńiz, utıw múmkinshiligi sonsha joqarı boladı. Biraq, eki zattı eslep qalıń: bul fotosúwretler tańlawı hám ol tábiyat haqqında bolıwı shárt. Sol sebepli súwretlerdi ilaji bolǵanınsha joqarı sapalı etiwge háreket etiń hám insaniyat tárepinen jaratılǵan zatlardı súwretke alıwdan saqlanıń.
- Fotosúwretler jetkiliklishe bolǵanda, dizimdi taǵı ashıń, súwretke alǵan ornıńızdıń kartasındaǵı "Júklew" túymesin basıń hám fotosúwretlerińizdi jiberiń. Ótinish, fayllardı Wikimedia Commons qaǵıydalarına muwapıq sáwlelendiretuǵın atlar menen atań, koordinataların qosıń (hesh bolmaǵanda shama menen) hám “Baspadan shıǵarıw” túymesin basıń. Onnan soń, endi siz basqa tábiyiy miyraslar obiektine keliwińiz múmkin!
Bunnan tısqarı, siz geypara eski fotosúwretlerdi júklewińiz múmkin: itimal siz dizimdegi bazıbir orınlarda bolǵansız hám sol sayaxattan birqansha ájayıp fotosúwretlerdi alıp kelgensiz. Birden-bir talap sonda, fotosúwretler ózińiz tárepińizden súwretke alınıwı hám tańlaw dawamında usınıs etiliwi lazım.
Eger bul tańlaw haqqında ayırım zatlar siz ushın ele de túsiniksiz bolsa, qaǵıydalar menen tanısıwıńız yamasa talqılaw beti arqalı bizge soranıwıńız múmkin: sorawlarıńızǵa juwap beriwden minnetdar bolamız. Áwmet hám alǵa!
|