Commons:Wiki Jerdi Súyedi 2023 Ózbekstanda/Qaǵıydalar

«Wiki Jerdi súyedi Ózbekstan 2023» tańlawına xosh keldińiz!

Bas bet

Qaǵıydalar

Qatnasıw

Júklengen súwretler

Statistika

Nátiyjeler

Xalıqaralıq basqısh

«Wiki Jerdi súyedi Ózbekstan 2023» tańlawına xosh keldińiz!

Bas bet	Qaǵıydalar	Qatnasıw
Júklengen súwretler	Nátiyjeler	Xalıqaralıq sheńber

See also: Xalıqaralıq tańlaw qaǵıydaları.

Qatnasıwshılar

• Bul tańlawda hárkim óz qálewi menen qatnasıwı múmkin.
• Qatnasıw ushın siz Wikimedia Commonsqa jergilikli paydalanıwshı sıpatında yamasa Wikimedia global akkauntı menen kiriwińiz kerek. Siz Wikimedia Commonsta esap betin qalay jaratıwdı usı jerde tabıwıńız múmkin.
• Qatnasıwshı óz akkauntındaǵı sazlamalar arqalı aktivlestirilgen elektron pochta mánziline iye bolıwı lazım. Kontakt maǵlıwmatları (akkaunttaǵı elektron pochta yamasa paydalanıwshı betindegi baylanıs maǵlıwmatları) bolmaǵan qatnasıwshılar, hátteki tóreshiler quramı fotosúwretlerin jeterlishe jaqsı dep tapsa da, sawǵalardı alalmaydı hám xalıqaralıq basqıshqa shıǵa almaydı. Eger siz elektron pochta mánzilińizdi tuwrı aktivlestirgen bolsańız, paydalanıwshı betińizdiń shep tárepinde "Bul paydalanıwshıǵa elektron pochta xabarın jiberiń" siltemesi payda boladı. Itibar beriń, siziń elektron pochta mánzilińiz hesh jerde daǵaza etilmeydi hám xat jiberiwshige mánzilińiz kórsetilmesten, bárshe xatlar tek Wikimedia pochta forması arqalı sizge jiberiliwi múmkin.
• Bárshe qatnasıwshılar óz súwretlerin biypul licenziya, máselen, Creative Commons Attribution-ShareAlike 4.0 yamasa Wikimedia Commons qaǵıydalarına sáykes keletuǵın basqa hárqanday licenziya astında baspadan shıǵarıwǵa razı.

Súwretler

• Súwretlerdi qálegen waqıtta alıwı múmkin, biraq 15-may, 00:00 hám 15-iyun, 23:59 (UTC+6) arasında jayǵastırılıwı kerek.
• Bir adam qálegen muǵdardaǵı fotosúwretlerdi jayǵastırıwı múmkin, biraq bárshe fotosúwretler jayǵastırıwshınıń jeke jumısı bolıwı kerek. Ózińiz jaratpaǵan fotosúwretlerińizdi hátteki avtorlıq huqıqınan erkin bolsańız da, yamasa avtordıń nızamlı wákili bolsańız da jayǵastırmań.
• Súwretler fayl betinde licenziya úlgisine iye bolıwı kerek (ádette, eger jayǵastırıwshı adam jayǵastırıwdıń birinshi basqıshında birewin tańlaǵan bolsa, ol avtomatik tárizde qosıladı). Fayl betinde licenziyasız fotosúwretler qabıl etilmeydi.
• Tańlawǵa jayǵastırılǵan súwretler ámeldegi dizimdegi Ózbekstan tábiyat esteliklerinen birine tiyisli bolıwı lazım; ámeldegi dizim teń bolǵan 4 tilde berilgen: Ózbek tili, Qaraqalpaq tili, Rus tili hám Inglis tili. Qaǵıydalardıń usı bántine muwapıqlıǵın kórsetiw ushın tiyisli obiekt kartasındaǵı "Jayǵastırıw" túymesi arqalı fotosúwretti jayǵastırıw usınıs etiledi.
• Fotosúwret teması tábiyat penen baylanıslı bolıwı kerek, máselen, landshaftlar, ósimlikler, haywanlar hám basqalar. Adamlar, imaratlar, avtomobiller, eger olar tábiyiy landshafttıń bir bólegi bolmasa, kóbinshe temadan tısqarı dep esaplanadı.
• Súwretler koordinataların óz ishine alıwı kerek.
• Súwret jaqsı sapada, tiyisli kontrast, aq balans hám ekspoziciya sazlamaları menen hám keminde 2 megapiksel bolıwı lazım. Tómen sapalı (daǵal, óte kontrastlı, buzılǵan hám basqa), tómen anıqlıqtaǵı súwretler jayǵastırılıwı múmkin, biraq olarda jeńip shıǵıw yamasa xalıqaralıq basqıshqa shıǵıw imkániyatı joq.
• Jayǵastırılǵan fotosúwretler Wikipediadaǵı maqalalardı illyustraciya etiw ushın paydalı bolıwı kerek, sonlıqtan suw belgileri, súwrettegi sáneler yamasa illyustrativ paydalanıwdı quramalastıratuǵın basqa qosımshalar menen súwretlerge ruxsat berilmeydi.

Juwmaqlaw

• Tańlaw juwmaqlanǵanınan soń, xalıqaralıq tańlaw qaǵıydalarına muwapıq, tóreshiler quramı eki nominaciya boyınsha 15 ke shekem fotosúwretti tańlaydı: landshaft hám makro; hár birinen 10 danadan kóp bolmaǵan fotosúwretler.
• Bárshe fotosúwretler 2 basqıshta bahalanadı: birinshi basqıshta tóreshiler quramı hámme súwretlerdi qaǵıydalarǵa muwapıqlıǵın tekseredi, ekinshi basqıshta bolsa sapası, temaǵa sáykesligi hám tábiyat esteliginiń anıqlıǵı boyınsha bahalanadı.
• Tóreshiler quramınıń bárshe qararları juwmaqlawshı hám shikayat etiliniwi múmkin emes. Yadıńızda saqlań, biziń tańlawımız biráz subiektiv bolıwı múmkin hám eger siziń súwretlerińiz jeńip shıqpaǵan bolsa, kewlińiz shókpesin! Hámme jaqsı súwretler Wikipedia hám basqa Wikimedia joybarlarında illyustraciyaǵa aylanadı, sonda olardı júzlep yamasa hátteki mıńlap adamlar kóredi. Onıń ózi ájayip emes pe?
• Sıylıqlar tábiyat resursları ministrligi tárepinen tapsırıladı: jeńimpazǵa noutbuk, keyingi 2 orınǵa planshet hám qalǵan 3 orınǵa smartfon beriledi. Sonday-aq, 10 jeńimpazdıń barlıǵı Wildberries, Amazon, Ebay yamasa ózlari tańlaǵan basqa dúkanlarda 650 000lıq sawǵa sertifikatlarına iye boladı.
• Tóreshiler quramı tórepinen tańlap alınǵan bárshe súwretler xalıqaralıq basqıshta qatnasadı hám olarda da jeńip shıǵıw imkániyatı bar.

Basqa shártleri

• Bul qaǵıyda teksti Ózbekstan Respublikası Puqaralıq Kodeksiniń 367—369-statyalarına muwapıq ǵalabalıq oferta esaplanbaydı.
• Tańlawda qatnasıw usı qaǵıydalarǵa tolıq razı bolıwıńızdı ańlatadı.
• Shólkemlestiriwshi topar ádalatlı oyın principin saqlap qalıw ushın bul qaǵıydalardı ózgertiwi múmkin.
• Qatnasıwshılardıń tańlawda qatnasıw dawamında sarıplaǵan bárshe qárejetleri qatnasıwshılardıń ózleri tárepinen qaplanadı.
• Shólkemlestiriwshi topar aǵzaları yamasa olardıń filialları tárepinen jayǵastırılǵan fotosúwretler heshqanday sıylıqtı talap ete almaydı. Olardıń múmkin bolǵan qatnasıwı tek qatnasıwshılardı qollap-quwatlaw hám jaqsı úlgi bolıwında tiykarlanıwı múmkin.
• Shólkemlestiriwshi topar qatnasıwshılar tárepinen úshinshi shaxs tárepinen avtorlıq huqıqı buzılıwı ushın juwapker emes, lekin eger olar anıqlanǵan bolsa, olardı saplastırıw ilajların kóriw minnetlemesin aladı. Eger siziń yamasa kimnińdur avtorlıq huqıqı buzılǵan dep esaplasańız, iltimas biz benen baylanısıń!
• Tańlaw shólkemlestiriwshileri minnetlemelerdi atqarmaǵanlıq yamasa kerek dárejede atqarmaǵanlıǵı ushın eger olardı orınlawdıń múmkinshiligi bolmaǵanı fors-major jaǵdayları, mısalı, órt, suw tasqını, basqa tábiyiy apatlar, urıslar, qurallı waqıyalar, ǵalabalıq puqaralar tártipsizlikleri, epidemiyalar, terroristik háreketler hám basqalar nátiyjesinde júzege kelgen bolsa juwapkerlikten azat etiledi.