Commons:Wiki Jerdi Súyedi 2024
.svg){kind=logo} Wiki Loves Earth
| ||
|---|---|---|
Wiki Jerdi Súyedi 2024 |
Qatnasıwshı mámleketler |
Qaǵıydalar hám kóp soralatuǵın sorawlar |
Shólkemlestiriw |
Jeńimpazlar |
Biz benen baylanısıw |
Report |
"Wiki Jerdi súyedi" (WJS yamasa WLE) — hár jılı may hám iyul ayları aralıǵinda ótkeriliwshi xalıqaralıq fototańlaw. Bul tańlawdı dúnya boylap túrli chapterler, toparlar hám jergilikli valantyorlar shólkemlestiredi. Qatnasıwshılar jergilikli tábiyiy estelik yamasa ǵalabaǵa tanımalı tábiyat kórinisin súwretke alıp, onı wikiqoymaǵa júkleydi. Barlıq qatnasıwshı mámleketlerde konkurs bólek-bólek halda ótkeriledi, sol sebepli tańlawdıń shólkemlestiriliw waqıtları hám sıylıqları túrlishe bolıwı múmkin.
Tańlawdıń tiykarǵı maqseti — tábiyat estelikleri aymaǵı hám obiektleri — máselen, qorıqxanalar, landshaft qorıqxanaları, milliy baǵlar, kórgizbeli/landshaft aymaqları, ataqlı baǵlar h.b tábiyiy miyras obiektleriniń fotosúwretlerin toplaw hám olardan pútkil dúnya boylap Wikipedia erkin enciklopediyası hám basqa da Wikimedia Fondı joybarlarındaǵı maqalalardı bezewde paydalanıw bolıp sanaladı.
Joybar tek bir mámlekettiń qorıqlanıwshı zonaların súwretke alıwǵa ǵana emes, bálki aymaqlıq statusqa iye bolǵan, sonday-aq, tábiyat zonaların múmkinshiligi barınsha keńlew qamtıp alıwǵa — toǵaylar, dem alıw baǵları, baǵlar, jar taslar, úńgirler, hárqanday qorıqlanıwshı tábiyat esteliklerin súwretke alıwǵa mólsherlengen. Bul — kóplegen paydalanıwshılar óz jasaw orınlarınan uzaq bolmaǵan jerde birqansha obiektlerdi taba alıwları múmkinligin ańlatadı.
Bıyıl xalıqaralıq basqıshqa shıqqan jergilikli jeńimpazlardıń eki túrdegi súwrette jeńimpazlıq ushın gúresiwi múmkin: tábiyat kórinisleri (bul kategoriyaǵa bólek terekler de kiredi, olar tábiyat esteligi esaplanadı) hám makrosúwretler (jánlikler, ósimlikler, zamarıqlar):
- Jergilikli basqıshta ulıwmalıq esapta 15 súwret jeńimpaz bolıwı múmkin, sonnan hár bir kategoriyadan jeńimpaz bolǵan súwretler sanı 10 nan aspaydı. Jergilikli shólkemlestiriwshiler súwretlerdi eki kategoriyaǵa bólip bahalamawı hám/yamasa ulıwmalıq esapta jeńimpazlar sanın kem etip belgilewi mumkin (mısalı, 10)
- Xalıqaralıq basqısh tóreshileri jeńimpaz 20 ǵa shekem súwretti tańlap aladı. Bunda, hárbir kategoriyadan 10 nan artıq bolmaǵan súwret tańlap alınadı.
- Xalıqaralıq basqıshtıń eń jaqsı súwretler 20 lıǵına bir avtordıń ekewden artıq bolmaǵan fotografiyası tańlap alınıwı múmkin. Sebebi biziń maqsetimiz — jeńimpazlar qatarın keńeytiw hám túrli avtorlar tárepinen alınǵan, túrli aymaqlarda jaylasqan tábiyat estelikleri súwretlerin dúnyaǵa kórsetiw.
- Shamalıq sáneler
- Jergilikli basqıshlar 1-maydan — 31-iyulǵa shekem ótkerilip bolınadı. Anıq sáneler ushın hár mámleket waqıt kestesine qarań;
- Avgusttıń aqırı jeńimpazlar beti ushın arza qabıllawdıń eń sońǵı múddeti;
- Sentyabr-Oktyabr: Bahalaw barısı;
- Noyabr — xalıqaralıq nátiyjeler daǵaza etiletuǵın ay.
- Qaǵıydalar
- Tańlawdıń xalıqaralıq bólimi qaǵıydaları usı jerde daǵaza etilgen. Jergilikli basqıshtaǵı tańlawlarda qaǵıydalar, nominaciyalar, sáneler parıqlanıwı múmkin.
- Sıylıqlar
- Jeńimpazlar Amazon yamasa basqa onlayn dúkanlardan vaucherlerdi qolǵa kiritedi; vaucher summası qolǵa kiritilgen orınǵa baylanıslı;
- Jergilikli shólkemlestiriwshiler jámááti jergilikli basqısh jeńimpazları ushın sıylıqtı ózleri tańlawı múmkin.
- Júklengen súwretler
- Házirge shekem júklengen bárshe súwretlerdi kórip shıǵıń.
- Qalay qatnasıw múmkin?
- Jergilikli shólkemlestiriwshiler ushın: Commons:Wiki Jerdi Súyedi 2024/Shólkemlestiriwge kiriń.
- Qatnasıwshılar ushın: Commons:Wiki Jerdi Súyedi 2024/Qatnasıwshı mámleketlerge kiriń.
- Rásmiy websaytı
- Baspasózde
Eskertiw: Bul tańlaw valantyorlar tárepinen shólkemlestirilgen bolıp, shólkemlestiriwshiler óz qálewlerine hám júzege kelgen jaǵdayǵa qarap joqarıdaǵı qaǵıydalardı ózgertiwi hám tańlawdı biykar etiwi múmkin (hátte, tańlaw baslap jiberilgeninen keyin de). Qáwenderler tárepinen jetkizilgen sıylıqlar ushın shólkemlestiriwshiler juwapker esaplanbaydı hám konkursqa baylanıslı heshbir juwapkershilikti óz moynına almaydı. Bul tańlawdıń qaǵıydaları da, usı bettegi qanday da bir gáp te shólkemlestiriwshilerdiń moynına yuridikalıq aqıbetlerdi alıp keliwi múmkin bolǵan mazmundı tasımaydı. Tóreshiler quramı aǵzaları jeńimpazlıq ushın dawager esaplanbaydı (biraq hárqanday jaǵdayda da tańlaw ushın fotografiyalar júklewi múmkin).