Commons:Wiki Esteliklerdi Súyedi — 2023 Ózbekstanda/Qaǵıydalar
Bul tańlawda hárkim óz qálewi menen qatnasıwı múmkin.
Qatnasıw ushın siz wikiqoymadaǵı paydalanıwshı atıńızǵa kiriwińiz kerek. Bul jumıstı jergilikli paydalanıwshı sıpatında yamasa wikimediadaǵı global paydalanıwshı atıńız arqalı ámelge asıra alasız. Wikiqoymada paydalanıwshı atı qanday jaratılıwın usı jerde bilip alıwıńız múmkin.
Paydalanıwshı óziniń profil sazlamalarında tastıyqlanǵan elektron pochta adresin kórsetken bolıwı lazım[1]
Bárshe qatnasıwshılar óz súwretlerin biypul licenziya , máselen, Creative Commons Attribution-ShareAlike 4.0 yamasa Wikimedia Commons qaǵıydalarına sáykes keletuǵın basqa hárqanday licenziya astında baspadan shıǵarıwǵa razı boladı.
Fotosúwretler qálegen waqıtta suwretke alınıwı múmkin, biraq 1-oktyabr, 00:00 hám 31-oktyabr, 23:59 (UTC+5) aralıǵında júkleniwi zárúr.
Bir adam qálegen muǵdardaǵı fotosúwretlerdi jayǵastırıwı múmkin, biraq bárshe fotosúwretler jayǵastırıwshınıń jeke jumısı bolıwı kerek. Ózińiz jaratpaǵan fotosúwretlerińizdi hátteki avtorlıq huqıqınan erkin bolsańız da, yamasa avtordıń nızamlı wákili bolsańız da jayǵastırmań.
Súwretler fayl betinde licenziya úlgisine iye bolıwı kerek (ádette, eger jayǵastırıwshı adam jayǵastırıwdıń birinshi basqıshında birewin tańlaǵan bolsa, ol avtomatik tárizde qosıladı). Fayl betinde licenziyasız fotosúwretler qabıl etilmeydi.
Tańlawda júklengen fotosúwretler ámeldegi dizimde kórsetilgen Ózbekstan mádeniy miyrasları obyektlerinen birine tiyisli bolıwı kerek; ámeldegi dizim ózbek tilinde berilgen.
Fotosúwret teması imaratlar, olardıń arxitekturalıq elementleri hám interyerleri, háykeller yamasa tariyxıy landshaftlar sıyaqlı mádeniy miyraslar menen baylanıslı bolıwı kerek. Adamlar, tábiyat, avtomobillerdiń fotosúwretleri, eger olar mádeniy miyras obiektiniń bir bólegi bolmasa, kópshilik jaǵdayda offtop dep tabıladı.
Súwretler koordinatalarǵa iye bolıwı kerek[2]
Súwret jaqsı sapada, tiyisli kontrast, aq balans hám ekspoziciya sazlamaları tuwrı bolıwı hám ólshemi keminde 2 megapiksel [3]
Jayǵastırılǵan fotosúwretler Wikipediadaǵı maqalalardı súwretler menen bezew ushın mas bolıwı kerek, sonlıqtan suw belgileri, súwrettegi sáneler yamasa illyustrativ paydalanıwdı quramalastıratuǵın basqa qosımshaları bolǵan súwretlerge ruxsat berilmeydi.
Tańlaw juwmaqlanǵanınan soń, xalıqaralıq basqısh qaǵıydalarına muwapıq, tóreshiler quramı eki nominaciya (landshaft hám makro) boyınsha 15 ke shekem (hár birinen 10 danadan kóp bolmaǵan) fotosúwretti tańlap aladı.
Bárlıq fotosúwretler 2 basqıshta bahalanadı: birinshi basqıshta tóreshiler quramı hámme súwretlerdi qaǵıydalarǵa muwapıqlıǵın tekseredi, ekinshi basqıshta bolsa, sapası, temaǵa sáykesligi hám konkret bir mádeniy estelikke baylanıslılıǵı tekseriledi.
Tóreshiler quramınıń bárshe qararları juwmaqlawshı bolıp esaplanadı hám olar qayta kórip shıǵılmaydı. Umıtpań, biziń tańlawımız biráz subiektiv bolıwı múmkin hám eger fotosúwretlerińiz jeńip shıqpaǵan bolsa, kewlińiz shókpesin! Barlıq jaqsı súwretler Wikipedia hám basqa Wikimedia joybarlarında illyustraciyaǵa aylanadı, sonda olardı júzlep yamasa hátteki mıńlap adamlar kóredi. Sonıń ózi ájayip emes pe?
Sıylıqlar Tábiyat Ministrligi tárepinen usınıs etiledi. Sonıń menen birge, barlıq jeńimpazlarǵa Asaxiy, Amazon yamasa ózleri tańlaǵan basqa onlayn-dúkanlardan sıylıq sertifikatları tapsırıladı.
Tóreshiler quramı tárepinen tańlap alınǵan bárshe súwretler xalıqaralıq basqıshta qatnasadı hám olarda da jeńip shıǵıw imkániyatı bar.
Bul qaǵıydalar teksti Ózbekstan Respublikası Puqaralıq Kodeksiniń 367—369-statyaları na muwapıq ǵalabalıq oferta esaplanbaydı.
Tańlawda qatnasıw usı qaǵıydalarǵa tolıq razı bolıwıńızdı ańlatadı.
Shólkemlestiriwshiler toparı hadal oyın principin ámelge asırıwdı qollap-quwatlaw maqsetinde bul qaǵıydalarǵa ózgeris kirgiziwi múmkin.
Qatnasıwshılardıń tańlawda qatnasıw dawamında sarıplaǵan bárshe qárejetleri qatnasıwshılardıń ózleri tárepinen qaplanadı.
Shólkemlestiriw toparı aǵzaları yamasa olarǵa tiyisli shaxslar tárepinen júklengen fotosúwretler heshqanday sıylıqqa iye bola almaydı. Olardıń itimallı qatnasıwı tek qatnasıwshılardı qollap-quwatlaw hám unamlı úlgi kórsetiwdegi qálewi menen belgileniwi múmkin.
Shólkemlestiriwshi topar qatnasıwshılar tárepinen úshinshi shaxstıń avtorlıq huqıqları buzılıwı ushın juwapker emes, biraq eger sonday jaǵday anıqlanǵan bolsa, olardı saplastırıw ilajların kóriw minnetlemesin aladı. Eger siziń yamasa kimnińdur avtorlıq huqıqı buzılǵan dep esaplasańız, iltimas biz benen baylanısıń!
Tańlaw shólkemlestiriwshileri eger olardıń minnetlemelerin ámelge asırıwdıń ılajı bolmasa: órt, suw tasqını, basqa tábiyiy apatlar, urıslar, qurallı toqnasıwlar, ǵalabalıq puqaralar tártipsizlikleri, epidemiyalar, terroristik háreketler hám basqa da sol sıyaqlı fors-major jaǵdayları nátiyjesinde júzege kelgen bolsa, minnetlemelerdi atqarmaǵanlıq yamasa tiyisli dárejede atqarmaǵanlıǵı ushın juwapkershilikten azat etiledi.
↑ Sonday-aq, biz qatnasıwshılarǵa paydalanıwshı betinde ayırım kontaktlerdi qaldırıwdı másláhát etemiz.
↑ Bul májbúriy emes, biraq, eger fotosúwrette qorǵalǵan sayt súwretlengenligi yamasa súwretlenbegenligi haqqında gúmán bar bolsa, koordinatalar payda beredi. Sonıń menen birge, koordinatasız súwretler xalıqaralıq basqıshqa qabıl etilmeydi.
↑ 2000×1000 piksel yamasa soǵan jaqın bolıwı lazım.
.jpg)
See also: Xalıqaralıq tańlaw qaǵıydaları.