Svenska: 18:e mars 1467 Sekkizstada (Säckestad)

Beskrivning: Avlatsbrev avseende Utby kyrka, utfärdat av Johannes, biskop i Skara.

Original på pergament i Stifts- och landsbiblioteket i Skara (SDhk nr. 28701)

Mått: Ca 9 x 20 cm

Transkribering:

Vniuersis christifidelibus presentes litteras inspecturis Iohannes, Dei gracia episcopus scarensis, salutem in Domino. Gratum Deo obsequium impendere credimus, quociens eius fideles ad pietatis opera excitamus. Cupientes igitur, vt ecclesia Vbby congruis habeatur reuerencia et honoribus, omnibus vere penitentibus et confessis, qui eandem ecclesiam causa deuote oracionis vel peregrinacionis visitauerint, missas aut alia diuina in ea audierint, eius cymiterium pro defunctis orando circumierint, sepulturis mortuorum ibidem interfuerint, vel qui ante ymagines consecratas in ipsa ecclesia constitutas oracionem dominicam et salutacionem angelicam flexis genibus deuote dixerint, aut qui corpus dominicum et sacrum oleum, dum ad infirmos deportantur et ad ecclesiam reportantur, sequuti fuerint, seu qui ad fabricam dicte ecclesie manus suas quomodolibet porrexerint adiutrices, vel pro luminarium, vestium, vasorum sacrorum vel aliorum eius ornamentorum sustentacione et reparacione sua caritatiua dona tribuerint, et qui ad pulsum campane post missam vel de sero Aue Maria cum geniculacione deuote legerint trina vice, illis eciam qui pro felici statu regni Suecie, ecclesiarumque nostrarum atque nostro Deum pie exorauerint, quociens premissa vel aliquid premissorum deuote fecerint, tociens nos de omnipotentis Dei misericordia et beatorum Petri et Pauli apostolorum eius auctoritate confisi xl dierum indulgencias de iniunctis eis penitenciis in Domino misericorditer relaxamus. Datum Sekkizstada anno Domini mcdlxvii mensis marcii die xviii nostro sub secreto.

Kommentarer:

Gratum: --tum i hs Vbby: V-by i hs honoribus(?): sannolikt fel för honore ornamentorum: ovanför textraden

missam: ovanför textraden