Shqip: NJËSIA ADMINISTRATIVE KUKUR VETITË FIZIKO-GJEOGRAFIKE.

Njësia administrative Kukur si pjesë e Bashkisë së Gramshit shtrihet në pjesën lindore të kësaj bashkie. Ajo shtrihet midis maleve të Lisecit e të Kunores së Kishtës në veri e veriperëndim e deri në liqenin e Dushkut në jug. Në pjesën juglindore ndahet prej territorit të fshatit Irmath me njësinë administrative të Lenies me sistemin kodrinor midis tyre të quajtura kodrat e Kuratës. Ky kufi, më tepër konvencional, fillon nga rrëza e malit të Komjanit e deri në shpatin lindor të malit të Kodërgjonit. Duke filluar nga veri-verilindja e deri ne juglindje si kufi natyror të kësaj njësie administrative shërbejnë mali i Gurit të Zi, e deri në malin e Gurit të Topit, në juglindje me Valamarën: ndahet me njësin administratuive Lenie. Sipas ndërtimit strukturor dhe litologjik, territori i kësaj njësie administrative ka ndërtim shumë kompleks. Mbizotërojnë strukturat antiklinale: malet e kodrat. Trualli i territorit është i ndërtuar nga disa lloje shkëmbinjsh: shkembinjtë sedimentarë: flishorët dhe shumë pak ata karbonatik, shkëmbinjtë magmatikë Nga pikëpamja fiziko-gjeografike ka një rol të rëndësishëm në elementët natyror e gjeografik të kësaj njësie. Këtu ndërthuren peizazhet kodrinore, malore, por dhe pak luginore. Kjo shumëllojshmëri formash e mikroformash të relievit kanë ndikimin e vet në elementet natyror, por edhe në vendzgjedhjen e vendbanimeve dhe veprimtarisë ekonomike të banorëve. Në shtretërit e përrenjve, lugive e rrëzave të shpateve shkalla e qëndrueshmërisë së tyre ndaj proceseve të alterimit kanë ndikuar në format e relievit. Relievi ka shumëllojshmëri formash e mikroformash. Pjesa me e madhe e territorit është me reliev malor, paramalor por nuk mungon edhe ai kodrinor. Ky reliev ndikon drejtpërdrejt në jetën e gjallë, në veprimtarit ekonomike të zhvillimit të popullsisë së kësaj njësie. Në këtë të fundit vecohen kryesisht zhvillimi i blegtorisë, bujqësisë e të pylltarisë, kryesisht. Relievi vë në vështirësi komunikimin, infrastrukturën rrugore, etj. Klima. Përsa i përket kushteve klimatike, territori i kësaj njësie administrative përfshihet në zonat e klimës Mesdhetare Kodrinore dhe Malore. Faktorët kryesor janë pozicioni i saj gjeografik dhe format kryesore të relievit, veçanërisht relievi kodrinor, malor e paramalor. Pozicioni gjeografik, relievi dhe klima ka bërë që kjo njësi administrative të këtë hidrografi të pasur. Kryesisht, në këtë njësi administrative mbizotërojnë prrenjë të shumtë. Këtu, vlen të përmendet përroi I Vërces me deget e tij. Në rrjetin kryesor hidrografik vlen te vecohet lugina e përroit të Vërces dhe degët e tij si përroi I Kukurit, Sojnikut e Grazhdanit. Megjithatë, nuk mungojnë edhe liqenet me origjinë kryesisht akullnajore ku vlen të përmendim liqenin e Dushkut, të Rovjes, të cilët cilësohen mjaft të rëndësishëm për ekonomin e njesisë administrative kryesisht ai I Dushkut ka qënë ndërtuar ujmbajtës nga ish –kooperativa që përdoreshin kryesisht për ujitjen e tokave të fshatit Sënosëm , ndërsa sot rrjedha ujore e këtij liqeni është marrë nga banorët të po këtij fshati e përdoret për ujitje e për plotësimin e nevojave jetësore të këtyre banorëve, ujrat e këtij liqeni përdoren edhe nga banorët e fshtarve Sarasel e Zmashë të njësisë administrative Kodovjat. Bimësia në këtë territor paraqitet mjaft e pasur me bimësi natyrore si në lloje dhe në shtrirje hapsionore, kjo e kushtëzuar nga kushtet natyrore klimatike, të relievit, hidrografisë. Gjenden pothuajse të gjitha katet bimore.

Fauna. Në territorin e njësisë administrative Kukur janë të përhapura shumë kafshë të egra, shpendë, zvarranik, insekte etj. Kjo gjë kushtëzohet nga një mjedis fizik gjeografik i përshtashëm për këto gjallesa të egra, përfshi gjitarë të mëdhenj. Fauna e kësaj njësie është pjesë e pasurisë kombëtare në shkallë vendi, por drejtpërdrejt për banorët e kësaj krahine.