File:Magdeburger Schoeppenchronik.jpg

DJt Register holdet ynne
van allen materien der
vorschreüe[n] Croneken mit
korten worden van anbe-
ghynne dusser hoüetstad
in alle sassen lande Mag-
deborch de ok partenopo-
lis genant is Also efft
eyn weten wolde van
vnsen oüer elderen den
sassen wo de ersten i[n] düsse
land komen synd wo vn[d]
van wem dusse stad erste[n]
gebüwet is Van keyseren
konigen heren vn[d] forste[n]
Van bischoppen dusses stich-
tes Van geschichten dusser
stad Van stryden Van or-
loge Van düer tyd Van
sterüen van hagel van
vngewidder van wu[n]der
teyken edder wat dat wer[r]
dat in dussen buke beschre-
üen is wil he dat kort-
liken vinden he see dar
na in dussen register Vn[d]
wen he wes vindet van
der materien de he gerne
wuste na verlop der iar[r]
wo vn[d] wenne dat geschey[n]
were de schal merken
de tale vn[d] de bokstaüe

de dar bi stan Wente de
tal wiset in dat blat vn[d]
de bokstaüe wiset in de
calümpne dar harde by
vor vn[d] na mach he lese[n]
dar vindet he de mateier
gantz beschreüen wo
vn[d] wenn[n] d? sik dat ver-
lopen heft de tal steyt
an allen bladen in den
boke bouen an geschreüe[n]
van eyne[n] an to reken de
bokstaüe stan büte[n] vm[m]e
de schrifft heer in den
spacio