Cymraeg: Fideo Llywodraeth Cymru: Rhoi terfyn ar gosbi corfforol yng Nghymru.

Bydd y ffilm fer hon yn rhoi tros olwg o Ddeddf Plant (Diddymu Amddiffyniad Cosb Resymol) (Cymru) 2020.

Ym mis Ionawr 2020 pasiwyd y Bil Plant (Diddymu Amddiffyniad Cosb Resymol) (Cymru) gan y Senedd.

Cafodd y Bil Gydsyniad Brenhinol ym mis Mawrth a ddaw’r Ddeddf yn dod i rym ym mis Mawrth 2022.

Pam wnaeth Llywodraeth Cymru gyflwyno Bil Plant Cymru?

Yn 2019, cyflwynodd Llywodraeth Cymru y Bil i helpu i ddiogelu hawliau plant.

Rydyn ni am roi’r dechrau gorau posib mewn bywyd i blant a rhoi diwedd ar gosbi plant yn gorfforol yng Nghymru.

Beth yw cosb gorfforol?

Mae cosb gorfforol yn cynnwys unrhyw weithred o guro plentyn fel cosb - nid dim ond smacio.

Mae gan bob math o gosb gorfforol o dan unrhyw amodau y potensial i fod yn niweidiol i blant.

Beth yw’r amddiffyniad cosb resymol?

Sefydlwyd y cysyniad o gosb resymol yn 1860.

Mae rhieni neu oedolion eraill sydd â chyfrifoldeb rhiant yn gallu defnyddio'r amddiffyniad o gosb resymol os cânt eu cyhuddo o ymosod cyffredin a churo plentyn.

Nid yw’r amddiffyniad hwn ar gael i oedolyn os yw’n cael ei gyhuddo o ymosod ar oedolyn arall.

Dros y blynyddoedd, mae deddfwriaeth wedi cyfyngu’r amgylchiadau lle gellid defnyddio’r amddiffyniad ac wedi cyfyngu’r lleoliadau lle gellir cosbi plant yn gorfforol.

Mae cosbi corfforol yn barod yn anghyfreithlon mewn ysgolion, cartrefi plant, cartrefi gofal maeth awdurdodau lleol a lleoliadau gofal plant.

Rydym ni yn cymryd y cam nesaf ar y daith hon drwy gael gwared ar yr amddiffyniad cosb resymol.

Beth mae’r byd yn ei gredu?

Confensiwn y Cenhedloedd Unedig ar Hawliau’r Plentyn yw’r sail i’n polisi ni ar gyfer plant.

Mae’r Confensiwn yn cydnabod bod unrhyw gosb gorfforol yn torri hawliau dynol plant.

Mae dros 55 o wledydd ledled y byd eisoes wedi rhoi diwedd ar gosbi plant yn gorfforol.

Rydym ni yn falch o ymuno â nhw.

Beth fydd y Ddeddf yn ei wneud a beth na fydd yn ei wneud.

Bydd y Ddeddf yn:

Cael gwared ar yr amddiffyniad cosb resymol. Fydd neb yn cael cosbi plant yn gorfforol yng Nghymru.

Cael gwared ar fwlch cyfreithiol oedd yn caniatáu’r amddiffyniad cosb resymol mewn lleoliadau heb eu rheoleiddio,

gan gynnwys rhai mannau dysgu, addoli, chwarae neu hamdden.

Diogelu plant yn gyfreithiol rhag cosbi corfforol – yn union fel rydyn ni’n diogelu oedolion.

Gwneud y gyfraith yn fwy clir, fel bod plant, rhieni, gweithwyr proffesiynol a'r cyhoedd yn deall y gyfraith.

Helpu i amddiffyn hawliau plant a rhoi arwydd clir na chaiff cosbi plant yn gorfforol ei oddef yng Nghymru.

Fydd y Ddeddf DDIM yn:

Yn creu trosedd newydd – nid yw’n gwneud mwy na dileu'r amddiffyniad cosb resymol.

Ddim yn atal rhieni rhag disgyblu eu plant – mae gwahaniaeth mawr rhwng disgyblu a chosb gorfforol.

Ddim yn ymyrryd â gallu rhiant i fod yn rhiant – gall rhieni, wrth gwrs, ymyrryd yn gorfforol, i gadw plentyn yn ddiogel rhag niwed, er enghraifft, neu ei helpu i wisgo neu frwsio dannedd.

Beth sy'n digwydd nesaf?

Mae'r Senedd wedi pleidleisio i ddileu'r amddiffyniad cosb resymol a bydd y Ddeddf yn dod i rym ym mis Mawrth 2022.

Rhwng nawr a hynny, cynhelir ymgyrch i roi gwybod i’r cyhoedd am y newid yn y gyfraith, gyda hysbysebion teledu, radio a digidol.

Bydd Llywodraeth Cymru yn sicrhau bod gweithwyr proffesiynol sy'n gweithio gyda rhieni a phlant yn gwybod am y newid i'r gyfraith.

Bydd Grŵp o arbenigwyr yn goruchwylio'r gwaith cyfathrebu.

Byddwn hefyd yn gweithio gyda’r sefydliadau a fydd yn gweithredu'r newid yn y gyfraith.

Bydd y Grŵp Gweithredu Strategol yn goruchwylio ac yn gwneud argymhellion i sicrhau y caiff y ddeddfwriaeth ei gweithredu’n ymarferol ac yn effeithiol.

Caiff y gwaith mwy manwl ei reoli gan bedwar grŵp gorchwyl a gorffen.

Mae’r oes wedi newid.

Mae agweddau wedi newid.

Does dim lle i gosbi plant yn gorfforol yng Nhymru heddiw.

I gael mwy o wybodaeth am stopio cosbi corfforol, ewch i:

llyw.cymru/stopiocosbicorfforol

I gael cyngor positif am rianta ewch i Magu Plant. Rhowch amser iddo.