Azərbaycanca: Şirvan İdman futbol klubu haqqında Energetik (Əli Bayramlı) futbol klubu 1980-cı ildə Əli Bayramlıda (indiki Şirvan) Azərbaycan ССР birinciliyində 1 dəfə futbol üzrə Azərbaycan çempionu olmuş və həmin il ölkə kubokunun sahibi olmuşdur ( Baş məşqçi Azərbaycanın əməkdar məşqçisi Ramiz Hacıyev). Əli Bayramlı komandası 1978 və 1985 illərdə “dəri top” uğrunda keçirilən yarışlarda СССР çempionu olmuşdur (Baş məşqçi Azərbaycanın əməkdar məşqçisi Tahir Əliyev). 1992-ci ildə keçirilən ilk Azərbaycan çempionatına qatılan "Energetik" 17 xal ilə final mərhələsinə vəsiqə qazana bilməmişdir və birinci dəstədə çıxış etməyə başlamışdır. 2007-ci ildə Şirvan FK həvəskarlar arasında Azərbaycan çempionu və Azərbaycan kubokunun sahibi olmuşdur. 2007-ci ildə Şirvan FK həvəskarlar arasında 4-cü çempionatına vəsiqə qazanmışdır. Komandamızın qrupunda Serbiya, İsveçrə, Gürcüstan komandaları yer almışdır. Komandamız Serbiyaya 3-1 məğlub olmuş, İsveçrə üzərində 3-0 qələbə, Gürcüstan komandası ilə 1-1 oynayaraq qrupda ikinci yeri tutmuş, finala vəsiqə qazana bilməmişdir. Bugün hal hazırda Şirvan FK Şirvan şəhərində stadion olmadığı üçün çempionatda iştirak edə bilmir. Əlavə olaraq bunu bildiririk ki, şəhərimizin U-10, U-11, U-12,U-13,U-14 və U-16 komandaları Azərbaycan çempionatında çıxış edirlər. Şirvan şəhərinin futbolçularından Səmədağa Şıxlarov, Tərlan Əhmədov, Vadər Nuriyev, Elmir Xankişiyev və Şərafət Əliyev Azərbaycan yığmalarında şəhərimizi təmsil etmişlər.