Open main menu

Commons:Riusu dô cuntinutu fora di Wikimedia

Sta pàggina è nnirizzata a chiddi ca vonnu riusari lu cuntinutu dê pruggetti Wikimedia (testi e/o file multimidiali) ntô propiu situ web, oppuru comu matiriali stampatu, o n àutra manera. Si cuncentra ntô cuntinutu di Commons, ch'è spicificatamenti na ricota di cuntinutu multimidiali riutilizzàbbili, ma jetta li basi pi riusari lu cuntinutu di qualegghiè pruggettu Wikimedia.

La Wikimedia Foundation nun pussedi nenti dô cuntinutu dê siti Wikimedia, c'apparteni mmeci ê criatura nnividuali rispittivi. Quasi tuttu pò èssiri libbiramenti riusatu senza addumannari lu pirmissu dô criaturi, a pattu ca vennu rispittati li tèrmini d'usu sanciti dâ particulari licenza o licenzi chê quali lu criaturi pubbricau la sò òpira. Nun abbisogni quinni d'ottèniri na dichiarazzioni d'auturizzazzioni spicìfica dô licinziatariu (a menu ca tu nun voi usari l'òpira sicunnu tèrmini d'usu diffirenti di chiddi fissati dâ licenza d'usu).

Puru si li nfurmazzioni supra lu copyright e supra li tèrmini di riusu p'ogni file sìngulu vennu nnicati lu chiù accuratamenti pussìbbili, la Wikimedia Foundation nun duna arcuna garanzìa, espressa o mplìcita, supra lu status dô copyright o currittizza dê tèrmini di licinziamentu. Si dicidi di riusari dê file di Commons, hai a cunnùciri na tò anàlisi nnipinnenti pi ditirminari lu status dô copyright e li liggi applicàbbili d'ogni file, comu quannu voi riusari un file prisenti nta àutri fonti.

Teni nortri prisenti ca si putìssiru applicari àutri ristrizzioni ortri ô copyright. Chisti ponnu nclùdiri li ristrizzioni supra marchi riggistrati, brivetti, dritti di mmàggini, dritti murali, dritti di privacy, oppuru qualegghiè àutri dê nummirusi ristrizzioni ligali ca sunnu nnipinnenti dô status dô copyright e ca varianu, puru grannimenti, di giurisdizzioni a giurisdizzioni.

Licenzi usati ntê pruggetti WikimediaEdit

TestiEdit

Tutti li testi dê pruggetti Wikimedia, eccettu Wikinews, appartèninu ê criatura rispittivi e sunnu licinziati sicunnu li tèrmini dê licenzi Creative Commons Attribbuzzioni-Cundivi â stissa manera 3.0 e GNU Free Documentation License. Siccomu lu copyright apparteni ê criatura, ognidunu d'iddi pò aviri pubblicatu li propi cuntribbuti macari sicunnu àutri licenzi oppuru ntô duminiu pùbblicu.

Wikinews è licinziatu sicunnu li tèrmini dâ licenza Creative Commons Attribbuzzioni 2.5 (CC-BY-2.5).

FileEdit

Tutti li file prilivàbbili di Wikimedia Commons sunnu pubblicati cu na varità di licenzi lìbbiri (di sòlitu CC-BY, CC-BY-SA o GFDL) oppuru sunnu ntô duminiu pùbblicu. Talìa Commons:Licenzi.


Cliccannu supra nu file nta qualegghiè pruggettu s'havi a èssiri nnirizzati â pàggina di discrizzioni di ddu file. Chista cunteni na serii di nfurmazzioni furnuti di cui carricau lu file (oppuru succissivamenti di àutri utenti), ntra li quali lu status dô copyright, lu ditinturi dô copyright e li tèrmini di licinziamentu.

Lu cuncettu di fair use (nun s'àpplica ô cuntinutu di Wikimedia Commons)Edit

Accura. Parti dô cuntinutu ospitatu ntê server Wikimedia nun è dispunìbbili sutta na licenza lìbbira, n particulari li file prisenti n Wikipedia n lingua ngrisa. La parti maiuri di chistu è prisenti grazzi ô cuncettu di fair use privistu dê liggi supra lu copyright di li Stati Uniti di Mèrica. Prima di riusari tali cuntinutu, accirtati cu sicurizza d'usari stu matiriali intra li tèrmini d'usu privisti dô fair use, dô fair dealing o d'àutri liggi equivalenti applicàbbili dê liggi lucali supra lu copyright o d'aviri ottinutu prima n'auturizzazzioni diretta di cui nni diteni lu copyright. Usàrilu n àutra manera nun equivali àutru ca a carpiri un file di qualegghiè situ Internet.

Loghi deâ Wikimedia FoundationEdit

Lu logu dâ Wikimedia Foundation e li loghi dê sò vari pruggetti (comu Wikipedia e Commons) sunnu marchi riggistrati e prutetti di copyright dâ Wikimedia Foundation. Nun sunnu giniralmenti dispunìbbili a àutri usi, puru si lu riusu pâ stampa o àutri menzi di cumunicazzioni pi pezza c'arriguàrdanu li pruggetti Wikimedia è esplicitamenti cunzintutu. Li liggi lucali supra lu fair use o fair dealing (p'esempiu pi scopi accadèmici o di crìtica) ponnu èssiri applicati ntâ tò giurisdizzioni. Pi tutti l'àutri tipi d'usu, pi favure cuntatta la Wikimedia Foundation.

Comu sudisfari li licenziEdit

Li sizzioni siguenti sunnu summari dê licenzi, e di comu ponnu èssiri sudisfatti.

Si n'òpira è pubblicata cu na licenza sula, tutti li tèrmini nnicati nta dda licenza hannu a èssiri suiguiti obbligatoriamenti. Si n'òpira havi licenza mùltipla (ovveru è pubblicata cu chiù di na licenza), lu riusu dipenni di quali licenza si scegghi di sèguiri. Eccettu pô matiriali ca si cridi sia ntô duminiu pùbblicu, un culligamentu ô testu cumpletu dâ licenza o dê licenzi è ncludutu ntâ pàggina di discrizzioni dô file. P'arcuni dê principali è dispunìbbili macari na discrizzioni brevi.

Pi favuri leggi sempri lu còdici ligale cumpletu prisenti ntô testu dê licenzi pê dittagghi ligali. Nè la Wikimedia Foundation nè li criatura dô matiriali prisenti ntê server Wikimedia duna assistenza ligali. Si hai bisognu di nfurmazzioni circa l'applicazzioni di na licenza nta na situazzioni particulari, avissi a cuntattari un prufissiunista ligali ntâ tò giurisdizzioni.

Duminiu pùbblicuEdit

Lu cuntinutu assignalatu comu "duminiu pùbblicu" (o un sò equivalenti, comu "pò èssiri usatu pi qualegghiè scopu, senza cunnizzioni") è matiriali ca si cridi nun è chiù (o nun fu mai) prutettu di copyright (o, ntê Paisi ntê quali viggi lu drittu d'auturi, nun sunnu chiù n viguri li dritti scaduti o nun applicàbbili, comu chiddu d'utilizzazzioni ecunòmica), o pirchì li sò criatura rinunziaru a tutti li dritti supra d'iddu (pubblicànnulu quinni ntô duminiu pùbblicu). Teni prisenti pirò ca li dritti murali nun alianàbbili e àutri ristrizzioni si ponnu ancora applicari nta arcuni Paisi p'arcuni usi.

Spissu cui pùbblica matiriali pigghia òpiri ntô duminiu pùbblicu e li ripùbblica dichiarannu lu propiu copyright. Chistu putissi èssiri ligali, ma nun cancia lu status dô copyright di l'òpira origginali. Nnicari l'orìggini (unni fu prilivatu e d'unni pruveni origginarimenti) aiuta a arrisòrviri disputi evintuali ca putìssiru sòrgiri succissivamenti cu tali editura.

Licenzi GNUEdit

GNU Free Documentation LicenseEdit

S'è na ridistribbuzzioni sìmplici, nta lu matiriali ridistribbuutu havi a èssiri citata la sò crunuluggìa cumpleta (pi l'elencu di l'autura e dê canciamenti c'appurtaru) e havi a èssiri acclusa na copia cumpleta dâ licenza GFDL (cu nu culligamentu â pàggina ntâ quali è prisenti oppuru stampata). Rispittari sti cunnizzioni è rilativamenti sìmplici ntô stissu situ web o ntê libbra, ma è difficurtusa pi picca fogghi stampati, rivisti o giurnali.

Cui riusa matiriali sutta GFDL è lìbbiru di criari òpiri dirivati e di cupiari, distribbuiri, ammustrari e eseguiri l'òpira, puru pi scopi cummirciali. Pi rispittari li cunnizzioni addumannati, (a) hai a pubblicari la tò virsioni sutta licenza GFDL (b) hai a attribbuiri l'òpira ntâ quali si basa la tò a l'autura (armenu ê cincu criatura principali) rispittivi e (c) nclùdiri na copia cumpleta dâ GFDL. Ntô casu d'òpiri dirivati hai a nclùdiri macari la crunuluggìa cumpleta di l'òpira.

Nun è difinutu, armenu n senzu ligali, comu ditirminari li cincu autura principali comu addumannatu dâ GFDL. Pi fàrilu nuiàutri suggiremu d'usari un mètudu quantitativu, comu lu nùmmiru di canciamenti, lu nùmmiru di caràttiri, l'uri di travagghiu o quarchicosa di sìmili.

Qualegghiè òpira dirivata havi a èssiri puru idda pubblicata cu licenza GFDL.

Quannu s'usa na fotugrafìa pubblicata sutta licenza GFDL comu parti di n'òpira chiù ampia, st'ùrtima *nun havi a èssiri nicissariamenti* pubblicata sutta GFDL pir sudisfari li tèrmini d'usu. La Free Software Foundation, criatrici dâ licenza GFDL, â dumanna di chiarimentu supra quantu, p'esempiu un libbru, cunta comu "òpira chiù ampia", arrispunnìu ca nuddu riassuntu pò sustituiri chiddu ca dici lu testu dâ licenza, e si lu riutilizzaturi è n dubbiu avissi a addumannari un pariri ligali. Lu testu dici ca "ogni ricota si chiama allura "aggrigatu" e sta licenza nun s'àpplica a l'àutri travagghi cuntinuti nta chista ca nni sunnu parti, pô sulu fattu di èssiri ricugghiuti nzèmmula, qualora nun sunnu p'iddi stissi travagghi dirivati dô ducumentu." Quinni, l'òpira chiù ampia nun havi a èssiri (sempri) pubblicata sutta GFDL.

GPL e LGPLEdit

La GNU General Public License (GPL) e la Lesser General Public License (LGPL) sunnu licenzi di software pi computeru e nun sunnu usati di sòlitu pê testi o li file multimidiali. Comuegghiè, parti dô cuntinutu di Commons (p'esempiu li coni o li screenshot di prugrammi pi computeru) è sutta la GPL o LGPL.

Creative CommonsEdit

La parti maiuri dê licenzi Creative Commons nun sunnu licenzi pi cuntinutu lìbbiru; sti licenzi nun lìbbiri nun sunnu cunzintuti nta Commons. Li siguenti sunnu chiddi cunzintuti:

CC-BYEdit

Câ licenza Creative Commons Attribbuzzioni (CC-BY), li riutilizzatura sunnu lìbbiri di criari òpiri dirivati e di cupiari, distribbuiri, ammustrari e eseguiri l'òpira, puru pi scopi cummirciali.

L'òpira havi a èssiri attribbuita a l'autura rispittivi, e quannu veni riusata o distribbuita, vannu minziunati li tèrmini di licenza (puru sulu cu un culligamentu ô testu dâ licenza). Si pò scègghiri o menu di pubblicari li virsioni canciati sutta CC-BY.

CC-SAEdit

Câ licenza Creative Commons Cundividi â stissa manera (CC-SA), li riutilizzatura sunnu lìbbiri di criari òpiri dirivati e di cupiari, distribbuiri, ammustrari e eseguiri l'òpira, macari pi scopi cummirciali.

Quannu chista veni riusata o distribbuita, vannu minziunati li tèrmini di licenza (puru sulu cu un culligamentu ô testu dâ licenza). Li virsioni canciati hannu a èssiri obbligatoriamenti pubblicati câ stissa licenza.

CC-BY-SAEdit

Câ licenza Creative Commons Attribbuzzioni-Cundividi â stissa manera (CC-BY-SA), li riutilizzatura sunnu lìbbiri di criari òpiri dirivati e di cupiari, distribbuiri, ammustrari e eseguiri l'òpira, puru pi scopi cummirciali.

L'òpira havi a èssiri attribbuita a l'autura rispittivi, e quannu veni riusata o distribbuita, vannu minziunati li tèrmini di licenza (puru sulu cu un culligamentu ô testu dâ licenza). Li virsioni canciati hannu a èssiri obbligatoriamenti pubblicati câ stissa licenza.

Àutri licenzi pi cuntinutu lìbbiruEdit

Talìa Commons:Copyright tags#Copyleft Attitude License e Commons:Copyright tags#Other free tags.

Cuntattari a cu carricau lu file o a cu scrissi lu testuEdit

Si addisìi usari lu cuntinutu cu tèrmini d'usu diffirenti di chiddi privisti dâ licenza d'usu, o hai ntiressu a virificari cu cirtizza assuluta lu status dô copyright, o ancora hai bisognu di virsioni dô file a risuluzzioni àuta, putissi èssiri d'aiutu cuntattari la pirsuna ca carricau lu file ntê server Wikimedia o l'auturi dô testu.

L'auturi dûn testu è la pirsuna ca canciau la pàggina, nzirìu lu testu e appoi sarvau la pàggina; clicca ntâ linguetta "crunuluggìa" prisenti n àutu nta ogni pàggina pi taliari cui lu fici. P'attruvari lu nomu utenti di cui carricau un file, mmeci, cunzurta la pàggina di discrizzioni dô file e la sizzioni "crunuluggìa dô file".

La Wikimedia Foundation giniralmenti nun ti pò assìstiri ntô cuntattari a cui criau lu matiriali prisenti ntê sò server. Hai a pruvari di sulu a fàrilu, siguennu diversie strati:

  1. Cuntrolla la pàggina utenti, tanti nzirìscinu nfurmazzioni ùtili pê cuntatti comu nnirizzu e-mail o nùmmiru di tilèfunu.
  2. Tanti utenti dùnanu la dispunibbilità a èssiri cuntattati via mail; prova a cliccari ntô culligamentu "Scrivi a l'utenti" prisenti a manu manca dâ pàggina utenti.
  3. Poi lassari un missaggiu ntâ sò pàggina di discussioni, cliccannu ntâ linguetta "discussioni" n cima â pàggina utenti, e appoi cliccannu ntô "+" prisenti n àutu ntâ pàggina di discussioni (lu tò missaggiu è pirò visìbbili ô pùbblicu).

HotlinkingEdit

Lu hot-linking versu li server Wikimedia è cunzintutu.

Si hai a usari stu miccanismu, allura è bonu nnicari l'attribbuzzioni dô file (talìa la sizzioni ô riguardu, ccà susu) propiu comu facissi chê copii duplicati ntô tò server. Gnurari li licenzi pò custituiri na viulazzioni dô copyright, nnipinnentimenti dô fattu c'usi nu hot-link.

Giniralmenti, Wikimedia nun auturizza li sirvizzi 'hot spider', unni, ogni vota ca quarchidunu effèttua n'arricerca ntô sò situ, l'arricerca veni nnirizzata ô nostru situ. Chiddi ca riutilìzzanu lu cuntinutu fora dê pruggetti Wikimedia avìssiru a cupiari ogni elimentu singularmenti, oppuru cuntattari la Wikimedia Foundation supra la pussibbilità d'ottèniri un live feed (lu quali pò èssiri ottinutu comu sirvizziu a paiamentu).

InstantCommonsEdit

A pàrtiri di MediaWiki 1.13.0, si ponnu ntigrari li file multimidiali di Wikimedia Commons direttamento ntô propiu wiki basatu nta MediaWiki. Stu mètudu havi vantaggi nummirusi rispettu a lu hotlinking.
Si la tò wiki è na wiki pùbblica, pi favuri agghiùncila â lista.

MediaWiki >= 1.16.xEdit

Agghiunci sta riga ô LocalSettings.php:

$wgUseInstantCommons = true;

Nta sta manera è pussìbbili nclùdiri li mmàggini direttamenti di Wikimedia Commons, senza aviri a carricàrili prima ntô propiu server. La pàggina di discrizzioni dô file è prilivata n autumàticu di Commons a ogni visualizzazzioni.

Talìa Manual:$wgUseInstantCommons pi chiossai dittagghi tècnici supra la mplimintazzioni.

MediaWiki 1.13.0 - 1.15.xEdit

Agghiùnciri li righi siguenti ô LocalSettings.php:

$wgForeignFileRepos[] = array(
   'class'            => 'ForeignAPIRepo',
   'name'             => 'shared',
   'apibase'          => 'http://commons.wikimedia.org/w/api.php',
   'fetchDescription' => true, // Optional
);

Nta sta manera è pussìbbili nclùdiri li mmàggini direttamenti di Wikimedia Commons, senza aviri a carricàrili prima ntô propiu server. La pàggina di discrizzioni dô file è prilivata n autumàticu di Commons a ogni visualizzazzioni.

Talìa InstantCommons Manual:$wgForeignFileRepos pi chiossai dittagghi.

HotlinkingEdit

L'hotlinking è cunzintutu dê server Wikimedia. Pê file n hot-link, è pràttica bona agghiùnciri l'attribbuzzioni comu si fussi na copia prisenti ntô tò server.

Nota ca fari un hot-link cu na thumbnail nun è attindìbbili, poichì chisti sunnu ginirati e suggetti a cache - avissi a cupiàrili direttamenti ntô tò server.

Nota macari ca cuegghiè pò canciari, vannalizzari o cancillari un file n hot-link - si fussi ntô tò server nn'avissi lu cuntrollu.

Wikimedia giniralmenti nun cunzenti li sirvizzi di hot spider, unni ogni vota ca quarchidunu fa n'arricerca ntê sò siti la query è rinnirizzata ô nostru situ.

Feedback doppu lu riusuEdit